Dómar

Málinu var vísað frá dómi þar sem stefnandi þótti ekki eiga lögvarða hagsmuni af úrlausn þess.

Ákærði var sakfelldur fyrir umferðarlagabrot. Var honum gert að sæta fangelsi í 45 daga ásamt því að vera sviptur ökuréttindum ævilangt.

Ákærða var gert að sæta fangelsi í 5 mánuði ásamt því að áréttuð var æviilöng svipting ökuréttinda ákærða.

Skuldabréf. Ábyrgð

Ákærði sakfelldur fyrir hótanir og brot gegn nálgunarbanni.

Ákærði var sakfelldur fyrir umferðarlagabrot. Var honum gert að sæta fangelsi í 60 daga ásamt því að vera sviptur ökuréttindum ævilangt.,

Ákærði var sakfelldur fyrir umferðarlagabrot. Var honum gert að sæta fangelsi í 9 mánuði, ásamt því að ævilöng svipting ökuréttar ákærða var áréttuð og var bifreiðin hans gerð upptæk.

Stórbruni varð í Skeifunni í Reykjavík í júlí 2014, en stefnandi rak verslun í einni af þeim fasteignum sem brann. Stefnandi hafði m.a. keypt rekstrarstöðvunartryggingu hjá stefnda og greiddi stefndi stefnanda bætur á grundvelli hennar í júlí 2015. Stefnandi taldi að með þeirri greiðslu væri tjón hans ekki að fullu bætt og hafa aðilar deilt um uppgjör bóta úr þeirri tryggingu allar götur síðan þá. Í þessu máli var stefndi talinn hafa bætt stefnanda tjón hans að fullu og var stefndi því sýknaður af kröfum stefnanda.

Ákærði var sakfelldur fyrir að hafa í tvígang nauðgað brotaþola með því að hafa samræði við hana án samþykkis með því að nýta sér að hún var sofandi eða meðvitundarlítil og notfært sér þannig að hún gat ekki getað spornað gegn verknuðunum sökum áfengisáhrifa og svefndrunga. Þá var ákærði sakfelldur fyrir að hafa í sömu skipti meðal annars útbúið myndskeið af samræðinu án samþykkis og vitneskju brotaþola.

Ákærði var sakfelldur fyrir nytjastuld, rán, umferðar- og fíkniefnalagabrot.

Ákærði var sakfelldur fyrir innflutning á u.þ.b. einu kílói af sterku kókaíni og um einu kílói af sterku, kristölluðu amfetamíni og dæmdur í tveggja ára og tíu mánaða fangelsi.

Sakfellt og dæmd skilorðsbundin refsing og fallist á upptökukröfur vegna varslna á fíkniefnum ætluðum til söludreifingar í ágóðaskyni.

Ákærða var sakfelld fyrir fíkniefnalagabrot með því að hafa ræktað kannabisplöntur.

Ákærði var sakfelldur fyrir sérstaklega hættulega líkamsárás.

Stefnandi starfar sem blaðamaður. Hann felldi sig ekki við ummæli sem birt voru um hann í nokkrum færslum á bloggsíðu. Stefndi hann höfundi ummælanna. Fallist var á ómerkingu flestra ummælanna sem deilt var um í málinu. Stefnanda voru dæmdar miskabætur úr hendi stefnda. Þá var stefnda gert, að viðlögðum dagsektum, að birta niðurstöðukafla dómsins og dómsorð á bloggsíðu sinni og fjarlægja þaðan ummæli sem ómerkt höfðu verið.

Ákærði var sakfelldur fyrir umferðarlagabrot með því að aka í 11. sinn sviptur ökurétti.

Ákærði var fundinn sekur um akstur undir áhrifum fíkniefna, fíkniefnalagabrot sem og vopnalagabrot. Var honum gert að sæta fangelsi í 30 daga, en fullnustu refsingarinnar var frestað skilorðsbundið. Jafnframt var ákærða gert að greiða sekt, hann sviptur ökurétti tímabundið og sæta upptöku á fíkniefnum og búnaði til ólögmætrar ræktunar og meðferðar fíkniefna.

Ákærði var fundinn sekur um húsbrot og umferðarlagabrot. Var honum gert að sæta fangelsi 30 daga, skilorðsbundið til tveggja ára, jafnframt fésekt. Það var ákærði sviptur ökurétti og dæmdur til greiðslu alls sakarkostnaðar.

Ákærði var fundinn sekur um ítrekaðan ölvunarakstur sem og akstur sviptur ökurétti. Með brotum sínum hafði ákærði rofið skilorð eldri dóms sem dæmt var upp í málinu. Var ákærða gert að sæta fangelsi í fjórtán mánuði, en ekki þóttu skilyrði til að skilrorðsbinda refsinguna.

Ákærði var fundinn sekur um húsbrot og brot gegn áfengislögum, með því að hafa ruðst í heimildarleysi inn um ólæstar svaladyr á heimili brotaþola, en verið vísað þaðan á brott, og fyrir að hafa örskömmu síðar ruðst aftur og með sama hætti inn á heimilið í þeim tilgangi að fá húsráðanda með sér þaðan út, en verið vísað þaðan á brott öðru sinni. Ennfremur með því að hafa með framangreindri háttsemi verið með óspektir á almannafæri sökum ölvunar. Var ákærði gert að sæta fangelsi í 30 daga, en fullnustu refsingarinnar var frestað skilorðsbundið til tveggja ára.