Nýir dómar

Ákærði var fundinn sekur um akstur undir áhrifum fíkniefna, fíkniefnalagabrot sem og vopnalagabrot. Var honum gert að sæta fangelsi í 30 daga, en fullnustu refsingarinnar var frestað skilorðsbundið. Jafnframt var ákærða gert að greiða sekt, hann sviptur ökurétti tímabundið og sæta upptöku á fíkniefnum og búnaði til ólögmætrar ræktunar og meðferðar fíkniefna.

Ákærði var fundinn sekur um húsbrot og umferðarlagabrot. Var honum gert að sæta fangelsi 30 daga, skilorðsbundið til tveggja ára, jafnframt fésekt. Það var ákærði sviptur ökurétti og dæmdur til greiðslu alls sakarkostnaðar.

Ákærði var fundinn sekur um ítrekaðan ölvunarakstur sem og akstur sviptur ökurétti. Með brotum sínum hafði ákærði rofið skilorð eldri dóms sem dæmt var upp í málinu. Var ákærða gert að sæta fangelsi í fjórtán mánuði, en ekki þóttu skilyrði til að skilrorðsbinda refsinguna.

Ákærði var fundinn sekur um húsbrot og brot gegn áfengislögum, með því að hafa ruðst í heimildarleysi inn um ólæstar svaladyr á heimili brotaþola, en verið vísað þaðan á brott, og fyrir að hafa örskömmu síðar ruðst aftur og með sama hætti inn á heimilið í þeim tilgangi að fá húsráðanda með sér þaðan út, en verið vísað þaðan á brott öðru sinni. Ennfremur með því að hafa með framangreindri háttsemi verið með óspektir á almannafæri sökum ölvunar. Var ákærði gert að sæta fangelsi í 30 daga, en fullnustu refsingarinnar var frestað skilorðsbundið til tveggja ára.

Ákærði var fundinn sekur um hegningar- umferðar- og lögreglulagabrot auk fíkniefnalagabrots. Var honum gert að sæta fangelsi í 90 daga jafnframt sekt. Þá var ákærði sviptur ökurétti ævilangt og gert að sæta upptöku fíkniefna.

Stefndu voru dæmd til að greiða stefnanda tæpar þrjár og hálfa milljón króna, gegn útgáfu afsals fyrir fasteign, en ekki var fallist á varnir stefndu er sneru að göllum á umræddri fasteign. Kröfu stefndanda um dráttarvexti var vísað frá dómi, en stefndu voru dæmd til að greiða stefnanda málskostnað.

Stefndi var dæmdur til að greiða stefnanda tæpar 650.000 kr., ásamt dráttarvöxtum, að frádreginni innborgun, auk málskostnaðar. Hvorki var fallist á varnir stefnda er sneru að sýknu né vörnum er sneru að lækkun dómkrafna.

Ákærði var fundinn sekur um hótanir og vopnalagabrot, með því að hafa dregið upp hníf og otað honum að brotaþola. Var ákærða gert að sæta fangesli í 30 daga, en fullnustu refsingarinnar var frestað skilorðsbundið til tveggjar ára. Þá var ákærða gert að sæta upptöku á hnífnum og hann dæmdur til greiðslu alls sakarkostnaðar.

Ákærði var fundinn sekur um meiri háttar brot gegn skattalögum, sem framkvæmdastjóri einkahlutafélags, og var honum gert að sæta fangelsi í 16 mánuði, skilorðsbundið til tveggja ára janframt fésekt er nam rúmum 42 milljónum króna. Þá var ákærði sýknaður af kröfu ákæruvaldsins um atvinnurekstrarbann.

Stefnda var dæmd til að greiða stefnanda tæpar eina og hálfa milljón, með dráttarvöxtum, vegna lögfræðiþjónustu sem stefnandi hafði veitt stefndu. Var fallist á varnir stefndu að hluta og krafa stefnanda lækkuð nokkuð, en hann hafði krafist greiðslu að fjárhæð rúmlega fjórum milljónum króna. Að virtum atvikum máls féll málskostnaður niður. .

Ákærði var fundinn sekur um ítrekaðan ölvunarakstur og akstur sviptur ökurétti. Var honum gert að sæta fangelsi í fimm mánuði auk þess sem hann var sviptur ökurétti ævilangt.

Ákærði var fundinn sekur um ítrekaðan ölvunarakstur auk skjalabrots og aksturs sviptur ökurétti. Var honum gert að sæta fangelsi í 30 daga auk þess sem honum var gerð sekt. Þá var ákærði sviptur ökurétti ævilangt.

Ákærði var fundinn sekur um margítrekaðan akstur sviptur ökurétti. Var honum gert að sæta fangelsi í 90 daga.

Ákærði var fundinn sekur um ítrekaðan akstur sviptur ökurétti og honum gert að sæta fangelsi í 30 daga.

Stefnandi höfðaði mál á hendur stefndu H og A til viðurkenningar á að landamerki milli jarða þeirra lægju með ákveðnum hætti, eins og stefnandi taldi þau hafi breyst eftir makaskipti árið 1987. Stefndi H var sýknaður af þeim kröfum stefnanda sem ekki var vísað frá dómi, þar sem stefnandi þótti ekki hafa sýnt fram á að landamerki milli jarðanna sem hann krafðist viðurkenningar á hafi orðið til við makaskiptin, en vafi lék á um hvort uppdráttur sá er stefnandi byggði dómkröfur sínar sýndi í reynd hvernig landi hefði verið skipt við framangreind makaskipti.. Öllum kröfum stefnanda á hendur stefndu A var vísað frá dómi sökum vanreifunar sem og skorti á lögvörðum hagsmunum. Var stefnandi dæmdur til að greiða stefndu báðum málskostnað.

Ákærði var fundinn sekur um akstur undir áhrifum fíkniefna, fíkniefnalagabrot, tollalagabrot, peniningaþvætti og eignarspjöll og honum gert að sæta fangelsi í 60 daga, en fullnustu refsingarinnar var frestað skilorðsbundið. Jafnframt var ákærða gert að greiða sekt og hann sviptur ökurétti tímabundið. Loks var ákærði dæmdur til að greiða brotaþola skaðabætur vegna eignaspjalla.