Ákærði dæmdur í 18 mánaða fangelsi fyrir ofbeldisbrot í nánu sambandi, brot gegn valdstjórninni og vörslur fíkniefna.

Ákærði sakfelldur fyrir brot gegn valdstjórninni, brot gegn sóttvarnarlögum, akstur undir áhrifum ávana- og fíkniefna sviptur ökurétti og vörslur fíkniefna og frammistöðubætandi efna.

Ákærði sakfelldur fyrir nauðgun, sifjaspell, kynferðislega áreitni og brot í nánu sambandi á grundvelli framburðar brotaþola, þrátt fyrir staðfasta sakarneitun. Þá var ákærði sakfelldur í samræmi við játningu sína fyrir vörslur mikils magns barnaníðsefnis. Ákærði var dæmdur til að sæta fangelsi í þrjú og hálft ár, greiðslu alls sakarkostnaðar og upptöku þeirra muna er nýttir voru til vörslu barnaníðsefnis. Loks var ákærða gert að greiða brotaþola skaðabætur að fjárhæð 2.888.800 krónur.

Stefnandi krafðist viðurkenningar á bótaskyldu stefnda vegna missis hagnaðar, sem leitt hafi af þeirri ákvörðun stefnda að ganga ekki til samninga við stefnanda um holræsa- og gatnahreinsun á grundvelli útboðs stefnda í janúar 2021. Stefnandi taldi að stefnda hefði borið að hafna tilboði lægstbjóðanda og ganga til samninga við sig, þar sem tilboð lægstbjóðanda hafi ekki uppfyllt skilyrði útboðsins. Til vara krafðist stefnandi viðurkenningar á bótaskyldu stefnda vegna kostnaðar stefnanda við að undirbúa tilboð og taka þátt í útboðinu. Að mati dómsins var ósannað að tilboð lægstbjóðanda hafi ekki uppfyllt kröfur útboðsins. Hins vegar voru tilteknir annmarkar á framkvæmd útboðsins af hálfu stefnda, en þar sem stefnandi sýndi ekki fram á að þeir hefðu haft áhrif á möguleika hans að hljóta samninginn var stefndi sýknaður af kröfum stefnanda.