- Ávana- og fíkniefni
- Fangelsi
- Skilorð
- Umferðarlagabrot
D Ó M U R
Héraðsdóms
Reykjaness 21. mars 2019 í máli nr. S-36/2019:
Ákæruvaldið
(Einar E. Laxness aðstoðarsaksóknari)
gegn
Genri Aslajevas
Mál
þetta, sem dómtekið var þann 7. mars 2019, var höfðað með ákæru
lögreglustjórans á höfuðborgarsvæðinu, dags. 22. janúar 2019 á hendur:
„Genri Aslajevas, kt. 000000-0000, Kirkjuvegi 4,
Hafnarfirði,
fyrir eftirtalin brot framin
á höfuðborgarsvæðinu á árinu 2018:
1. Fyrir umferðarlagabrot, með því að hafa aðfaranótt mánudagsins 22. október ekið bifreiðinni [...] undir
áhrifum áfengis (vínandamagn í blóði 2,43 ‰) og án þess að hafa ökuskírteini meðferðis, vestur Arnarnesveg síðan Smárahvammsveg og inn
Hlíðarsmára í Kópavogi, þar sem akstri lauk.
M. 007-2018-71778
Telst brot þetta varða við 1.,
sbr. 3. mgr., 45. gr. og 1. mgr. 48. gr., allt
sbr. 1. mgr. 100. gr. umferðarlaga nr. 50, 1987.
2. Fyrir umferðarlagabrot, með því að hafa sunnudaginn
28. október ekið bifreiðinni [...] undir áhrifum áfengis og fíkniefna óhæfur
til að stjórna henni örugglega (í blóði mældist vínandamagn 1,65‰ og tetrahýdrókannabínól
3,0 ng/ml), án þess að hafa meðferðis ökuskírteini og haft of stutt bil á milli
bifreiða, vestur Höfðabakka í Reykjavík aðrein frá Vesturlandsvegi, með þeim
afleiðingum að bifreiðin keyrði aftan á bifreiðina AY-U25, þar sem akstri lauk.
M. 007-2018-73120
Telst brot þetta varða við 3. mgr. 14. gr., 1.,
sbr. 3. mgr. 45., 1., sbr. 2. mgr., 45.
gr. a, og 1. mgr. 48. gr., allt sbr. 1. mgr. 100. gr. umferðarlaga nr. 50,
1987.
3. Fyrir umferðar-
og fíkniefnalagabrot, með því að hafa aðfaranótt sunnudagsins 4. nóvember 2018
ekið bifreiðinni [...] undir áhrifum fíkniefna óhæfur til að stjórna henni
örugglega (í blóði mældist kókaín 150 ng/ml, MDMA 295 ng/ml, metamfetamín 40
ng/ml, og tetrahýdrókannabínól 6,8 ng/ml) og án þess að hafa meðferðis ökuskírteini,
austur Suðurlandsbraut í Reykjavík, á mót við hús nr. 6 við Rofabæ, þar sem lögregla stöðvaði aksturinn,
jafnframt á sama tíma haft í vörslum sínum 0,68 g af kókaíni, sem lögregla fann
eftir leit.
M. 007-2018-75072
Telst brot þetta varða við 1., sbr. 2. mgr., 45.
gr. a, og 1. mgr. 48. gr., allt sbr. 1. mgr. 100. gr. umferðarlaga nr. 50,
1987 við 2., sbr. 4. og 5. gr. laga um ávana- og fíkniefni nr. 65/1974.
4. Fyrir umferðarlagabrot, með því að hafa aðfaranótt
mánudagsins 12. nóvember 2018 ekið bifreiðinni [...] undir áhrifum áfengis og
fíkniefna óhæfur til að stjórna henni örugglega (í blóði mældist vínandamagn
2,02 ‰ og tetrahýdrókannabínól 1,9 ng/ml) og án þess að hafa meðferðis ökuskírteini,
austur Bæjarháls í Reykjavík við Rofabæ, þar sem lögregla stöðvaði
aksturinn.
M. 007-2018-77425
Telst brot þetta varða við 1., sbr. 3. mgr. 45.,
1., sbr. 2. mgr., 45. gr. a, og 1. mgr.
48. gr., allt sbr. 1. mgr. 100. gr.
umferðarlaga nr. 50, 1987.
Þess er krafist að ákærði verði dæmdur til refsingar, til greiðslu alls
sakarkostnaðar og til sviptingar ökuréttar skv. 101. og 102. gr. nefndra
umferðarlaga, sbr. 25. gr. laga nr. 44, 1993 og 18. gr. laga nr. 66, 2006 og að 0,68 g af kókaíni , sem lagt var hald á, verði gert upptækt samkvæmt
6. mgr. 5. gr. laga nr. 65/1974 og 2. mgr. 14. gr. reglugerðar nr. 233/2001.“
Ákærði sótti ekki
þing við þingfestingu málsins 7. mars sl. og boðaði ekki forföll en í
fyrirkalli sem birt var á lögheimili ákærða var
tekið fram að yrði ekki sótt þing af hans hálfu mætti hann búast við því að
fjarvist hans yrði metin til jafns við það að hann viðurkenndi að hafa framið
þau brot sem hann væri ákærður fyrir og að dómur yrði lagður á málið að honum
fjarstöddum, sbr. 1. mgr. 161. gr. laga nr. 88/2008 um meðferð sakamála.
Með vísan til ofanritaðs og gagna málsins að öðru leyti telur dómurinn
þannig sannað að ákærði hafi framið þau brot sem ákært er út af og eru brot
hans réttilega heimfærð til refsiákvæða í ákærunni.
Ákærði er fæddur [...]. Samkvæmt sakavottorði hans hefur hann ekki áður
gerst sekur um refsiverða háttsemi.
Með hliðsjón af öllu hér framangreindu þá er refsing ákærða Genri Aslajevas ákveðin 30 daga fangelsi. En fresta skal fullnustu refsingarinnar og falli hún niður að liðnum tveimur árum frá birtingu dóms þessa haldi ákærði almennt skilorð 57. gr. almennra hegningarlaga nr. 19/1940, sbr. 4. gr. laga nr. 22/1955.
Ákærði er sviptur ökuréttindum í 4 ár og 9 mánuði frá
birtingu dóms að telja.
Fíkniefni verða gerð upptæk eins og krafist er og
nánar greinir í dómsorði.
Ákærði greiði 440.165 krónur í sakarkostnað.
Pétur Dam Leifsson héraðsdómari kveður upp dóm þennan.
D ó m s o r ð :
Ákærði, Genri Aslajevas, sæti fangelsi í 30 daga en
fresta skal fullnustu refsingarinnar og fellur hún niður að liðnum tveimur árum
frá birtingu dóms þessa, haldi ákærði almennt skilorð 57. gr. laga nr. 19/1940,
sbr. 4. gr. laga nr. 22/1955.
Ákærði er sviptur ökurétti í 4 ár og 9 mánuði frá
birtingu dóms þessa að telja.
Ákærði sæti upptöku á 0,68 g af kókaíni.
Ákærði greiði 440.165 krónur í sakarkostnað.
Pétur
Dam Leifsson