• Lykilorð:
  • Staðgreiðsla opinberra gjalda
  • Virðisaukaskattur

 

D Ó M U R

Héraðsdóms Reykjaness 4. október 2018 í máli nr. S-189/2018:

Ákæruvaldið

(Sigríður Árnadóttir aðstoðarsaksóknari)

gegn

Auðuni Þór Almarssyni

 

 

            Mál þetta, sem dómtekið var 19. september, er höfðað með ákæru héraðssaksóknara, útgefinni 12. apríl 2018, á hendur Auðuni Þór Almarssyni, kt. 000000-0000, [...], „fyrir meiri háttar brot gegn skattalögum sem framkvæmdastjóri einkahlutafélagsins Final, kt. 000000-0000, nú gjaldþrota, með því að hafa:     

1.                  Eigi staðið skil á virðisaukaskattsskýrslum einkahlutafélagsins á lögmæltum tíma vegna uppgjörstímabilanna mars – apríl, maí – júní, júlí – ágúst og nóvember - desember rekstrarárið 2015 og hafa eigi staðið ríkissjóði skil á virðisaukaskatti sem innheimtur var í rekstri einkahlutafélagsins, vegna sömu uppgjörstímabila, í samræmi við fyrirmæli IX. kafla laga nr. 50/1988, um virðisaukaskatt, samtals að fjárhæð kr. 5.995.932, sem sundurliðast sem hér greinir:

Árið 2015                                                                  
mars – apríl                                          kr.        212.754

maí – júní                                            kr.     1.702.608

júlí – ágúst                                           kr.     3.400.911

nóvember – desember                         kr.        679.659

                                                            kr.    5.995.932

2.                  Eigi staðið skil á skilagreinum einkahlutafélagsins vegna staðgreiðslu opinberra gjalda á lögmæltum tíma vegna greiðslutímabilanna október og desember rekstrarárið 2013 og janúar til og með júní, ágúst, september, nóvember og desember rekstrarárið 2014 og janúar, febrúar, maí til og með desember rekstrarárið 2015 og janúar og febrúar rekstrarárið 2016 og hafa eigi staðið ríkissjóði skil á staðgreiðslu opinberra gjalda, í samræmi við fyrirmæli III. kafla laga nr. 45/1987, um staðgreiðslu opinberra gjalda, sem haldið var eftir af launum starfsmanna einkahlutafélagsins vegna greiðslutímabilanna október rekstrarárið 2013 til og með febrúar rekstrarárið 2016, samtals að fjárhæð kr. 8.154.467, sem sundurliðast sem hér greinir:  

Árið 2013

október                                                kr.       76.238 

nóvember                                            kr.     281.689

desember                                             kr.     256.544

                                                            kr.    614.471


Árið 2014

janúar                                                  kr.     278.668

febrúar                                                 kr.     135.438

mars                                                     kr.     229.563

apríl                                                     kr.     327.307                                                             

maí                                                      kr.     344.321

júní                                                      kr.     305.244                                                 
júlí                                                       kr.     412.201

ágúst                                                    kr.     230.497

september                                            kr.     300.604

október                                                kr.     244.564                                                             

nóvember                                            kr.     341.734

desember                                             kr.     221.658

                                                            kr.  3.371.799


Árið 2015
                                          

janúar                                                  kr.     270.996

febrúar                                                 kr.     321.795 

mars                                                     kr.     323.926

apríl                                                     kr.     274.975 

maí                                                      kr.     288.805

júní                                                      kr.     313.941 

júlí                                                       kr.     466.314

ágúst                                                    kr.     327.291

september                                            kr.     318.357

október                                                kr.     444.972 

nóvember                                            kr.     464.246

desember                                             kr.     183.451

                                                            kr. 3.999.069


Árið 2016

janúar                                                  kr.      102.281

febrúar                                                 kr.        66.847

                                                            kr.     169.128

 

Samtals:                                              kr.  8.154.467

 

Framangreind brot ákærða samkvæmt 1. og 2. tölulið ákæru teljast varða við 1. mgr. 262. gr. almennra hegningarlaga nr. 19/1940, sbr. 1. gr. laga nr. 39/1995, sbr. einnig:

a)      1. mgr. 40. gr. laga nr. 50/1988, um virðisaukaskatt, sbr. 3. gr. laga nr. 42/1995 og 3. gr. laga nr. 134/2005, að því er varðar 1. tölulið ákæru.

b)      2. mgr. 30. gr. laga nr. 45/1987, um staðgreiðslu opinberra gjalda, sbr. 2. gr. laga nr. 42/1995 og 1. gr. laga nr. 134/2005, að því er varðar 2. tölulið ákæru.

 

Þess er krafist að ákærði verði dæmdur til refsingar og til greiðslu alls sakarkostnaðar.“

 

Fyrir dómi játaði ákærði sök samkvæmt ákæru. Með játningu sinni, sem fær næga stoð í gögnum málsins og ekki þykir ástæða til að draga í efa, telst hann sannur að sök og hefur unnið sér til refsingar en háttsemi hans er rétt færð til refsiákvæða í ákæru. Samkvæmt sakavottorði hefur ákærði ekki áður framið refsivert brot. Ekki eru uppfyllt skilyrði 1. mgr. 40. gr. laga  nr. 50/1988, sbr. 3. gr. laga nr. 134/2005, og 2. mgr. 30. gr. laga nr. 45/1987, sbr. 1. gr. laga nr. 134/2005, til að færa sekt niður úr lögbundnu lágmarki. Refsing ákærða ákveðst fangelsi í átta mánuði og 28.300.000 króna sekt í ríkissjóð. Fullnustu framangreindrar fangelsisrefsingar skal frestað og falli hún niður að liðnum tveimur árum haldi ákærði almennt skilorð 57. gr. laga nr. 19/1940. Greiði ákærði ekki sektina innan fjögurra vikna frá birtingu dómsins sæti hann fangelsi í ellefu mánuði. Ekki leiddi sérstakan kostnað af rekstri málsins.

Af hálfu ákæruvaldsins fór Sigríður Árnadóttir aðstoðarsaksóknari með málið.

Þorsteinn Davíðsson kveður upp dóm þennan.

 

D Ó M S O R Ð

 

Ákærði, Auðunn Þór Almarsson, sæti fangelsi í átta mánuði. Fullnustu refsingarinnar skal frestað og niður skal hún falla að liðnum tveimur árum haldi ákærði almennt skilorð 57. gr. laga nr. 19/1940.

Ákærði greiði 28.300.000 krónur í sekt til ríkissjóðs innan fjögurra vikna frá birtingu dómsins en sæti ella ellefu mánaða fangelsi.

Þorsteinn Davíðsson