- Játningarmál
- Þjófnaður
D
Ó M U R
Héraðsdóms Reykjaness þriðjudaginn 22. janúar
2019 í máli nr. S-446/2018:
Ákæruvaldið
(Guðmundur Þ. Steinþórsson
aðstoðarsaksóknari)
gegn
Almari Erni Ívarssyni
Mál þetta, sem
var tekið til dóms 9. janúar 2019, höfðaði lögreglustjórinn á höfuðborgarsvæðinu
með ákæru 25. september 2018 á hendur Almari Erni Ívarssyni, kt. 000000-0000, [...];
,,fyrir þjófnaðarbrot,
með því að hafa:
- Föstudaginn
24. nóvember 2017, í verslun Elko í Lindum, Skógarlind 2, Kópavogi, stolið
Piooner bíltæki að andvirði kr. 34.995,- sem ákærði tók úr pakkningum,
faldi tækið innanklæða og gekk með út úr versluninni.
- Miðvikudaginn
27. desember 2017, í verslun Toys´r´us, Smáratorgi 3, stolið
leikfangadróna að andvirði kr. 19.999,- sem ákærði faldi innanklæða og
gekk með út úr versluninni.
- Þriðjudaginn
27. febrúar 2018, í verslun Hagkaups í Kringlunni, Reykjavík, stolið
tveimur ilmvötnum að andvirði kr. 14.798,- sem ákærði setti í úlpuvasa og
gekk með út úr versluninni.
Telst þessi háttsemi varða við 1. mgr.
244. gr. almennra hegningarlaga nr. 19/1940.
Þess er krafist að
ákærði verði dæmdur til refsingar og til greiðslu alls sakarkostnaðar.“
Ákærði krefst vægustu
refsingar sem lög leyfa.
Ákærði hefur fyrir dómi skýlaust játað að hafa framið þau
brot sem honum eru gefin að sök og var farið með mál þetta samkvæmt 164. gr.
laga nr. 88/2008 um meðferð sakamála og var það tekið til dóms án frekari
sönnunarfærslu eftir að sækjanda og ákærða hafði verið gefinn kostur á að tjá
sig í stuttu máli um lagaatriði og ákvörðun viðurlaga.
Sannað er með skýlausri játningu ákærða, sem er í samræmi
við framlögð sakargögn, að hann hafi gerst sekur um þau brot sem honum eru
gefin að sök og eru þau réttilega heimfærð til refsiákvæða í ákæru. Ákærði
hefur því unnið sér til refsingar.
Ákærði er fæddur [...] og hefur samkvæmt framlögðu
sakavottorði í alls níu skipti sætt refsingu vegna þjófnaðarbrota frá árinu
2010. Þar af var ákærða í þrígang gerð skilorðsbundin refsing fyrir
þjófnaðarbrot frá árinu 2012 og í öllum tilvikum rauf ákærði skilorð með sams
konar brotum.
Samkvæmt framansögðu um sakaferil ákærða og að brotum hans
virtum, sbr. 77. gr. almennra hegningarlaga nr. 19/1940, þykir refsing hans
hæfilega ákveðin fangelsi í 60 daga. Ekki eru efni til að skilorðsbinda
refsinguna.
Engan sakarkostnað leiddi af rannsókn málsins eða meðferð
þess fyrir dómi.
Margrét Halldóra Hallgrímsdóttir, aðstoðarmaður dómara,
kveður upp dóm þennan.
DÓMSORÐ:
Ákærði, Almar Örn Ívarsson, sæti
fangelsi í 60 daga.
Margrét Halldóra Hallgrímsdóttir