- Ítrekun
- Játningarmál
- Fangelsi
- Umferðarlagabrot
D Ó M U R
Héraðsdóms
Reykjavíkur 21. febrúar 2018 í máli nr. S-14/2018:
Ákæruvaldið
(Jóhann
Svanur Hauksson aðstoðarsaksóknari)
gegn
Mariusz
Jan Troska
(Ómar
R. Valdimarsson lögmaður)
Mál þetta, sem
dómtekið var í dag, er höfðað með tveimur ákærum útgefnum af lögreglustjóranum
á höfuðborgarsvæðinu. Fyrri ákæran er gefin út 9. janúar 2018, á hendur Mariusz
Jan Troska, kt. 000000-0000, Víðimel 32, Reykjavík, fyrir umferðarlagabrot í
Reykjavík með því að hafa sunnudaginn 2. júlí 2017 ekið bifreiðinni UE-R35
sviptur ökurétti um Hringbraut við BSÍ uns aksturinn var stöðvaður skömmu
síðar.
Telst þetta varða við 1. mgr. 48. gr., sbr.
1. mgr. 100. gr., umferðarlaga nr. 50/1987.
Þess er krafist að ákærði verði dæmdur til
refsingar og til greiðslu alls sakarkostnaðar.
Síðari ákæran er gefin út á hendur ákærða 6.
febrúar 2018, fyrir umferðarlagabrot með því að hafa föstudaginn 5. janúar 2018
ekið bifreiðinni RX-819 sviptur ökurétti um Helluhraun uns aksturinn var
stöðvaður skömmu síðar við hús númar 4.
Telst þetta varða við 1. mgr. 48. gr., sbr.
1. mgr. 100. gr., umferðarlaga nr. 50/1987.
Þess er krafist að ákærði verði dæmdur til
refsingar og til greiðslu alls sakarkostnaðar.
Verjandi ákærða krefst vægustu refsingar
sem lög leyfa og hæfilegrar þóknunar sér til handa.
Farið var með mál þetta samkvæmt 164. gr.
laga nr. 88/2008 um meðferð sakamála og var það tekið til dóms án frekari
sönnunarfærslu þegar sækjanda og verjanda ákærða hafði verið gefinn kostur á að
tjá sig um lagaatriði og ákvörðun viðurlaga.
Ákærði hefur skýlaust játað brot sín.
Sannað er með játningu ákærða og öðrum gögnum málsins að ákærði er sekur um þá
háttsemi sem honum er gefin að sök og er háttsemin réttilega heimfærð til
refsiákvæða í ákæru.
Ákærði
er fæddur í ágúst 1978. Í samræmi við framlagt sakavottorð, dagsettu 9. janúar
2018, er við ákvörðun refsingar miðað við að ákærði sé nú í sjötta sinn fundinn
sekur um að aka sviptur ökurétti.
Með
hliðsjón af framangreindu og dómaframkvæmd þykir refsing ákærða hæfilega ákveðin
fangelsi í sex mánuði.
Ákærði
greiði málsvarnarþóknun skipaðs verjanda síns, Ómars R. Valdimarssonar
lögmanns, 168.640 krónur, að meðtöldum virðisaukaskatti.
Engan
annan sakarkostnað leiddi af meðferð málsins.
Af
hálfu ákæruvaldsins flutti málið Auðbjörg Lísa Gústafsdóttir
aðstoðarsaksóknari.
Lilja
Rún Sigurðardóttir, aðstoðarmaður dómara, kveður upp dóminn.
D
Ó M S O R Ð:
Ákærði, Mariusz Jan Troska, sæti fangelsi í sex mánuði.
Ákærði
greiði málsvarnarþóknun skipaðs verjanda síns, Ómars R. Valdimarssonar
lögmanns, 168.640 krónur.
Lilja Rún Sigurðardóttir