- Akstur án ökuréttar
- Ávana- og fíkniefni
- Hegningarauki
- Fangelsi
- Umferðarlagabrot
- Upptaka
- Vopnalagabrot
- Þjófnaður
D Ó M U R
Héraðsdóms Reykjavíkur 16. janúar 2019 í
máli nr. S-539/2018:
Ákæruvaldið
(Einar Laxness aðstoðarsaksóknari)
gegn
Helga Steini
Gunnarssyni
(Arnar Kormákur Friðriksson lögmaður)
Mál þetta, sem dómtekið var 9.
janúar sl., er höfðað með ákæru, útgefinni af lögreglustjóranum á
höfuðborgarsvæðinu 28. ágúst 2018, á hendur Helga Steini Gunnarssyni, kt. [...],[...], Akureyri, fyrir eftirtalin brot framin
á höfuðborgarsvæðinu 2017, nema annað sé tekið fram:
I.
Fyrir umferðarlagabrot, með því að hafa:
1. Sunnudaginn 27. ágúst ekið bifreiðinni [...] undir áhrifum ávana- og fíkniefna, óhæfur
til að stjórna ökutæki örugglega (í blóði mældist amfetamín 590 ng/ml) og
sviptur ökurétti við Arnarbakka í Reykjavík, þar sem lögregla stöðvaði
aksturinn.
Telst þetta varða við
1., sbr
2. Þriðjudaginn 29. ágúst ekið bifreiðinni [...] undir áhrifum ávana- og fíkniefna og
slævandi lyfja, óhæfur til að stjórna ökutæki örugglega (í blóði mældist
amfetamín 125 ng/ml, 7-amínóklónzepam 50 ng/ml, klónazepam 25 ng/ml, metýlfenídat
210 ng/ml) og sviptur ökurétti við gatnamót Stórhöfða og Höfðabakka í
Reykjavík, þar sem lögregla stöðvaði aksturinn.
Telst þetta varða við
1., sbr. 2. mgr. 44. gr., 1
3. Föstudaginn 8. september ekið bifreiðinni [...] undir áhrifum ávana- og fíkniefna, óhæfur
til að stjórna ökutæki örugglega, (í blóði mældist amfetamín 1300 ng/ml, MDMA
555 ng/ml, metýlfenídat 55 ng/ml, tetrahýdrókannabínól 0,5 ng/ml) og sviptur
ökurétti á bifreiðastæði við Fjarðarkaup í Hafnarfirði, þar sem lögregla
stöðvaði aksturinn.
Telst þetta varða við
1., sbr. 2. mgr. 44. gr., 1
II.
4.
Fyrir fíkniefna- og vopnalagabrot, með því að hafa miðvikudaginn 6. september haft
í vörslum sínum í strætisvagni við [...] í Reykjavík, 0,41 g af amfetamíni, 5,83 g maríjúana,
0,78 g tóbaksblönduðu maríjúana og 1 stykki ecstasy töflu, sem lögregla fann
við leit, og jafnframt haft í vörslum sínum á almannafæri hníf sem lögregla
fann í tösku ákærða.
5. Fyrir fíkniefnalagabrot, með því
að hafa laugardaginn 9. september haft í vörslum sínum í bifreiðinni [...] við [...] í
Reykjavík, 127,71 g af maríjúana og 0,48 g af amfetamíni, sem lögregla fann
eftir leit í bifreiðinni.
Telst þetta varða við 2. gr., sbr.
5. og 6. gr., laga um ávana- og fíkniefni nr. 65/1974, sbr. lög nr. 13/1985 og lög nr.
68/2001, og 2. gr., sbr. 1. mgr. 14. gr. reglugerðar um ávana- og fíkniefni og
önnur eftirlitsskyld efni nr. 233/2001, sbr. reglugerð nr. 848/2002 og er
varðar ákærulið II.4 einnig við 1. mgr. 30. gr., sbr. 1. mgr. 36. gr. vopnalaga nr. 16/1998.
III.
Fyrir þjófnað, með því að hafa:
6. Þriðjudaginn 29. ágúst í
versluninni Hagkaup í Spönginni, Reykjavík, stolið hleðslutæki að verðmæti
2.999 krónur.
7.
Aðfaranótt mánudagsins 11. september brotist inn að [...] í Reykjavík, með því að spenna
upp hurð og stolið ýmsum verkfærum að ótilteknu verðmæti.
Telst
þetta varða við 244. gr. almennar hegningarlaga nr. 19/1940.
Þess
er krafist að ákærði verði dæmdur til refsingar, greiðslu alls sakarkostnaðar og
til sviptingar ökuréttar samkvæmt 101. og 102
Verjandi
ákærða krefst vægustu refsingar sem lög leyfa og hæfilegrar þóknunar sér til
handa.
Farið var með mál þetta samkvæmt
164. gr. laga nr. 88/2008 um meðferð sakamála og var það tekið til dóms án
frekari sönnunarfærslu þegar sækjanda og verjanda ákærða hafði verið gefinn
kostur á að tjá sig um lagaatriði og ákvörðun viðurlaga.
Ákærði hefur skýlaust játað brot
sín. Sannað er með játningu ákærða og öðrum gögnum málsins að ákærði er sekur
um þá háttsemi sem honum er gefin að sök og eru brot hans rétt heimfærð til
refsiákvæða í ákæru.
Ákærði
er fæddur í [...]. Samkvæmt framlögðu
sakavottorði hans, dagsettu 21. ágúst 2018, á ákærði nokkurn sakaferil að baki
sem nær aftur til ársins 2005. Hefur hann t.a.m. hlotið átta fangelsisdóma
vegna umferðarlagabrota, fíkniefnalagabrota og hegningarlagabrota. Nú síðast
var ákærði dæmdur í sex mánaða fangelsi með dómi Héraðsdóms Norðurlands eystra hinn
25. maí 2018 fyrir þjófnaðarbrot og var fimm mánaða skilorðshluti dóms
Héraðsdóms Reykjaness frá 20. maí 2016 dæmdur með. Þau brot er ákærði er
sakfelldur fyrir í máli þessu voru öll framin fyrir uppkvaðningu áðurnefnds
dóms Héraðsdóms Norðurlands eystra og verður ákærða því dæmdur hegningarauki í
samræmi við 78. gr. almennra hegningarlaga nr. 19/1940.
Með
hliðsjón af framangreindu, sakarefni þessa máls og 77. gr. almennra
hegningarlaga nr. 19/1940, sem og skýlausri játningu ákærða, þykir refsing hans
hæfilega ákveðin fangelsi í sex mánuði. Í ljósi sakaferils ákærða þykja ekki
efni til að skilorðsbinda refsinguna.
Með
vísan til lagaákvæða í ákæru er áréttuð ævilöng svipting ökuréttar ákærða frá
birtingu dómsins að telja. Þá er gerður upptækur hnífur sem ákærði hafði í
vörslum sínum á almannafæri hinn 6. september 2017 og lögregla lagði hald á við
rannsókn málsins.
Við
fyrirtöku málsins hinn 9. janúar sl. féll ákæruvaldið frá kröfu um að fíkniefni
þau er tiltekin eru í lið II. 5 í ákæru, yrðu gerð upptæk. Að öðru leyti var
þess krafist að þau fíkniefni sem ákærði er sakfelldur fyrir vörslur á yrðu
gerð upptæk, sbr. ákærulið II. 4. Það athugast hins vegar að í ákæru er þess
hvergi krafist að téð fíkniefni verði gerði upptæk. Samkvæmt 1. mgr. 180. gr.
laga um meðferð sakamála nr. 88/2008 má hvorki dæma ákærða fyrir aðra hegðun en
þá sem í ákæru greinir né heldur dæma aðrar kröfur á hendur honum. Áðurnefnd
fíkniefni verða því ekki gerð upptæk.
Ákærði greiði málsvarnarþóknun
skipaðs verjanda síns, Arnars Kormáks
Friðrikssonar lögmanns, 368.900 krónur, að meðtöldum virðisaukaskatti, og 313.719
krónur í annan sakarkostnað.
Af
hálfu ákæruvaldsins flutti málið Einar Laxness aðstoðarsaksóknari.
Þórhildur
Líndal, aðstoðarmaður dómara, kveður upp dóminn.
D
Ó M S O R Ð:
Ákærði, Helgi Steinn Gunnarsson, sæti fangelsi í sex mánuði.
Áréttuð er ævilöng svipting ökuréttar ákærða frá birtingu dómsins að telja.
Upptækur er gerður hnífur sem ákærði hafði í vörslum sínum á almannafæri hinn 6. september 2017.
Ákærði greiði málsvarnarþóknun skipaðs verjanda síns, Arnars Kormáks Friðrikssonar lögmanns, 368.900 krónur og 313.719 krónur í annan sakarkostnað.
Þórhildur Líndal