- Skjalabrot
- Umferðarlagabrot
D Ó M U R
Héraðsdóms Reykjavíkur þriðjudaginn 16.
október 2018 í máli nr. S-594/2018:
Ákæruvaldið
(Margrét Herdís Jónsdóttir saksóknarfulltrúi)
gegn
X
Mál þetta sem
dómtekið er í dag var höfðað með ákæru útgefinni af lögreglustjóranum á
höfuðborgarsvæðinu þann 25. september „á hendur X,
kt. [...], [...], [...], fyrir umferðarlaga- og
skjalabrot með því að hafa, þriðjudaginn 7. ágúst 2018, ekið bifreiðinni [...],
sem í blekkingarskyni og án heimildar bar skráningarnúmerið [...],
og í umrætt sinn ekið bifreiðinni umrætt sinn án lögboðinnar vátryggingar.
Telst þessi háttsemi varða við 1.
mgr. 157. gr. almennra hegningarlaga nr. 19/1940 og 1. mgr. 93. gr. umferðarlaga
nr. 50/1987, sbr. 1. mgr. 100. gr. sömu laga.
Þess er krafist að ákærði verði dæmdur til
refsingar og til greiðslu alls sakarkostnaðar.“
Ákærða var birt
fyrirkall sem hafði að geyma viðvörun samkvæmt 1. mgr. 161. gr. laga um meðferð
sakamála nr. 88/2008. Þrátt fyrir þetta sótti ákærði ekki þing og ekki var
kunnugt um að hann væri forfallaður. Málið verður því dæmt á grundvelli framlagðra
gagna og samkvæmt þeim hefur verið færð fram næg sönnun fyrir sekt ákærða. Hann verður því sakfelldur samkvæmt ákærunni,
en brot hans er þar rétt fært til refsiákvæðis.
Ákærði er fæddur í [...] [...]. Hann
hefur einu sinni hlotið dóm og þrisvar sinnum gengist undir lögreglustjórasátt
vegna umferðarlagabrota. Þykir refsing ákærða hæfilega ákveðin fangelsi í 30
daga en en fullnustu
refsingarinnar er frestað og falli hún niður að liðnum tveimur árum frá
uppkvaðningu dóms þessa haldi ákærði almennt skilorð 57. gr. laga nr. 19/1940,
sbr. 4. gr. laga nr. 22/1955.
Af hálfu ákæruvaldsins
flutti málið Margrét Herdís Jónsdóttir saksóknarfulltrúi.
Barbara Björnsdóttir
héraðsdómari kveður upp dóm þennan.
D
Ó M S O R Ð :
Ákærði, X, sæti
fangelsi í 30 daga en fresta skal fullnustu refsingarinnar og falli hún niður
að liðnum tveimur árum frá uppkvaðningu dóms þessa haldi ákærði almennt skilorð
57. gr. almennra hegningarlaga nr. 19/1940 sbr. 4. gr. laga nr. 22/1955.