Dómar

Ákærði dæmdur í fangelsi fyrir skjalafals.

Ákærði var sakfelldur fyrir fíkniefnalagabrot og gert að sæta fangelsi í 75 daga skilorðsbundið til tveggja ára.

Ákærði var sakfelldur fyrir umferðar-, vopna- og fíkniefnalagabrot. Var honum gert að sæta fangelsi í 90 daga skilorðsbundið til tveggja ára ásamt því að vera sviptur ökuréttindum í 18 mánuði.

Ákærði var sakfelldur fyrir umferðarlagabrot. Var honum dæmdur hegnignarauki og gert að sæta fangelsi í 13 mánuði ásamt því að áréttuð var ævilöng svipting ökuréttar ákærða

Ákærði var sakfelldur fyrir fíkniefnalagabrot og peningaþvætti og gert að sæta fangelsi í 60 daga, skilorðsbundið til tveggja ára.

Ákærði var fundinn sekur um fíkniefnalagabrot og honum gerð sekt. Þá voru gerð upptæk fíkniefna sem og áhöld og búnaður til ólögmætrar ræktunar og meðferðar fíkniefna.

Ákærði var sakfelldur fyrir hótanir og vopnalagabrot. Hann var dæmdur til að sæta fangelsi í 60 daga, skilorðsbundið í tvö ár.

Ákærða var fundin sek um akstur undir áhrifum ávana- og fíkniefna og akstur svipt ökurétti. Var henni gert að sæta fangelsi í 30 daga jafnframt sekt. Þá var ákærða svipt ökurétti ævilangt.

Fertugur karlmaður var sakfelldur fyrir tilraun til að taka á móti og varsla tæplega 2.900 grömm af sterku kókaíni og dæmdur í þriggja ára fangelsi fyrir sinn hlut að málinu.

Þrír menn voru sakfelldir fyrir manndráp, rán og frelsissviptingu og einn þeirra þar að auki fyrir tilraun til fjárkúgunar. Var tveimur þeirra gert að sæta fangelsi í 17 ár, en þeim þriðja í 14 ár, þar sem þótti hafið yfir allan vafa að það sem olli andláti brotaþola voru þeir áverkar sem ákærðu veittu honum, þeir hafi staðið saman að því allir þrír að beita brotaþola ofbeldi ásamt því að skilja hann eftir varnarlausan og ennfremur að ákærðu hafi ekki geta dulist mögulegar afleiðingar brota þeirra en þeir látið sér það í léttu rúmi liggja. Þá var fjórði maðurinn fundinn sekur um peningaþvætti, en ákvörðun um refsingu hans var frestað skilorðsbundið til tveggja ára. Loks var kona sýknuð af ákæru af hlutdeild í áðurnefndri frelsissviptingu og ráni. Þá var þremur mönnum gert að greiða brotaþolum skaða- og miskbætur ásamt málskostnaði. Þá var ákærðu gert að greiða sakarkostnað.

Ómerkt eru fern ummæli af 10 sem birtust í skýrslu sem unnin var af hálfu skólayfirvalda vegna meints eineltis og samskiptavanda á vinnustað. Stefnda er sýkn af miskabótakröfu stefnanda.

Ákærði var fundinn sekur um ítrekaðan akstur undir áhrifum fíkniefna sem og ítrekaðan akstur sviptur ökurétti. Var ákærða gert að sæta fangelsi í sex mánuði og ítrekuð ævilöng svipting ökuréttar hans.

Ákærði var sakfelldur fyrir umferðarlagabrot og gert að sæta fangelsi í 9 mánuði ásamt því að áréttuð var ævilöng svipting ökuréttar ákærða

Stefnandi höfðaði málið til að fá hnekkt þeirri niðurstöðu stjórnvalda að hann ætti ekki rétt til greiðslu sem hann hafði sótt um úr fæðingarorlofssjóði. Honum hafði verið synjað um greiðslu vegna þess að hann uppfyllti ekki skilyrði laga um þátttöku á innlendum vinnumarkaði í sex mánuði fyrir fæðingardag barns, en stefnandi taldi að taka ætti einnig tillit til starfstímabils hans erlendis. Það starf sem stefnandi gegndi hjá stofnun í öðru EES-ríki á ávinnslutímabili réttinda reyndist ekki hafa veitt honum rétt samkvæmt lögum þess ríkis um fæðingarorlof. Þar sem slíkt er áskilið í skýru og ótvíræðu ákvæði íslenskra laga var ekki fallist á kröfur stefnanda í málinu.

Ákærði var fundinn sekur um líkamsárásir, með því að hafa slegið brotaþola ítrekuðum hnefahöggum í andlið og tekið hann kverkataki og í framhaldinu veist aftur að brotaþola með sama hætti. Var ákærða gert að sæta fangelsi í 60 daga, en fullnustu refsingarinnar var frestað skilorðsbundið. Þá var ákærða gert að greiða brotaþola miskabætur, auk skaðabóta vegna muntjóns.

Ákærði var fundinn sekur um ítrekaðan akstur sviptur ökurétti. Var honum gert að sæta fangelsi í sex mánuði auk þess sem bifreið hans var gerð upptæk.

Ákærði var fundinn sekur um ítrekaðan akstur sviptur ökurétti, auk skjalabrots. Var honum gert að sæta fangelsi í 60 daga og honum jafnframt gerð sekt.

Ákærði var sakfelldur fyrir umferðarlagabrot og gert að sæta fangelsi í 90 daga ásamt því að áréttuð var ævilöng svipting ökuréttar ákærða

Ákærði var sakfelldur fyrir ýmis þjófnaðar-, skjala-, umferðar-, vopna- og fíkniefnalagabrot. Var honum gert að sæta fangelsi í 4 mánuði, skilorðsbundið til tveggja ára ásamt því að vera sviptur ökuréttindum í 5 ár.

Ákærði var sakfelldur fyrir umferðarlagabrot og gert að sæta fangelsi í 6 mánuði.