Nýir dómar

Ákærði sakfelldur fyrir hættubrot og brot gegn lögum um brunavarnir og dæmdur í fjögurra mánaða skilorðsbundið fangelsi. Játningarmál

Kona um fimmtugt var sakfelld fyrir innflutning á 18.710 töflum af MDMA (Ecstacy) og dæmd til tveggja og hálfs árs fangelsisvistar. Þótt konan hafi aðeins þjónað sem burðardýr var hér um verulegt magn af mjög hættulegum fíkniefnum að ræða.

Ákærði sakfelldur fyrir nauðgun og kynferðisbrot gegn barni og dæmdur í tveggja ára fangelsi. Miskabætur.

Ákærði sýknaður af minniháttar líkamsárás. Einkaréttarkröfu vísað frá dómi.

Akærði sakfelldur fyrir líkamsárás og brot á barnaverndarlögum og dæmdur til greiðslu miskabóta.

Ákærði var sakfelldur fyrir innflutning á u.þ.b. einu kílói af sterku kókaíni og um einu kílói af sterku, kristölluðu amfetamíni og dæmdur í tveggja ára og tíu mánaða fangelsi.

Í málinu var stefndi sýknaður af kröfu stefnanda um skaðabætur eða afslátt vegna ætlaðra galla á fasteign sem stefnandi keypti af stefnda í lok árs 2020.

Ákærði var dæmdur í 30 daga fangelsi, skilorðsbundið tvö ár, fyrir stuld á tveimur kartonum af sígarettum.

I krafðist þess að hnekkt yrði þeirri ákvörðun sýslumanns að afmá af fasteigninni S kvöð sem fól í sér að I þyrfti að samþykkja ráðstöfun fasteignarinnar. Hafði sýslumaður afmáð kvöðina af eigninni á þeim forsendum að kvöðinni hefði fyrir mistök verið þinglýst að beiðni I en í ljós hefði komið að I væri ekki eigandi eignarinnar og nyti því ekki réttar til þess að fá kvöðinni þinglýst. Í úrskurði héraðsdóms var komist að þeirri niðurstöðu að sýslumanni hefði verið rétt, miðað við þinglýstar eignarheimildir yfir eigninni, að afmá kvöðina á grundvelli leiðréttingarskyldu hans, sbr. 27. gr. þinglýsingalara. Lægi enda ekkert fyrir um að I hefði notið eignarréttar eða annarra óbeinna réttinda sem heimiluðu honum að þinglýsa upp á sitt eindæmi kvöðinni er um ræddi. Var kröfum I samkvæmt því hafnað.

Stefnandi krafði stefnda um helming söluandvirðis bifreiðar er þau höfðu átt í sameign en söluverðið hafði verið lagt í heild sinni inn á stefnda. Stefndi kvað hlut stefnanda hafa átt að standa undir hennar hlut kostnaðar af rekstri heimilis þeirra eftir sambúðarslit en því mótmælti stefnandi. Stefndi krafðist m.a. skuldajafnaðar á grundvelli greiðslna sem hann hafði lagt út fyrir umfram 50% eignarhluta sinn og var sú krafa tekin til greina og stefndi sýknaður af kröfum stefnanda. Var málskostnaður látinn niður falla.

Ákærði sakfelldur fyrir brot gegn 1. og 3. mgr. 99. gr. barnaverndarlaga og dæmdur í 30 daga skilorðsbundið fangelsi.

Stefndi var sýknaður af kröfu um skaðabætur vegna meintra galla í fasteign. Var talið að stefndi hefði ekki sýnt af sér saknæma háttsemi við sölu á fasteign sinni. Stefndi var hins vegar látinn bera kostnað við endurbætur á því sem hann hafði lýst yfir að væri ný- eða nýlega viðgert í húsinu.

Ákærði sýknaður af minniháttar líkamsárás og af broti gegn barnaverndarlögum. Einkaréttarkröfu vísað frá dómi.

Ágreiningur málsaðila laut í meginatriðum að því hvort stefnandi ætti rétt til bóta úr vátryggingu útgefinni af varastefnda, L, vegna slyss sem stefnandi varð fyrir við vinnu sína árið 2021. Umrædda tryggingu keypti stefnandi með milligöngu aðalstefndu, T. Stefnandi gerði í málinu aðallega kröfu um greiðslu skaðabóta úr hendi aðalstefndu og til vara kröfu um greiðslu vátryggingarbóta að sömu fjárhæð úr hendi varastefnda. Aðalstefnda krafðist sýknu af kröfum stefnanda og byggði á því að enginn grundvöllur væri fyrir skaðabótakröfu stefnanda á hendur henni. Varastefndi krafðist einnig sýknu af kröfum stefnanda og byggði á því að stefnandi hefði vanrækt upplýsingaskyldu sína er hann sótti um vátrygg­inguna, auk þess sem ósannað væri að stefnandi hafi orðið fyrir bótaskyldu slysi. Niðurstaða dómsins var í meginatriðum sú að ekkert væri fram komið um að aðalstefnda eða einstakir starfsmenn hennar hefðu sýnt af sér saknæma háttsemi og var hún því sýknuð af skaðabótakröfu stefnanda. Þá var það niðurstaða dómsins að stefnandi hefði eingöngu vanrækt upplýsingaskyldu sína í þeim mæli að óverulegt teldist og að ábyrgð varastefnda yrði því hvorki felld niður í heild eða að hluta á grundvelli 2. mgr. 83. gr. laga nr. 30/2004. Enn fremur var það niðurstaða dómsins að í framlögðum gögnum væri ekkert sem benti á nokkurn hátt til þess slys stefnanda hafi mátt rekja til sjúkdóms eða annars innra líkamsástands hans og að þau gæfu raunar hið gagnstæða til kynna. Var því lagt til grundvallar að stefnandi hefði fallið af einhverjum þeim ástæðum sem hann hefði sjálfur tilgreint sem líklegar í því sambandi og að um slys í skilningi skilmála umræddrar vátryggingar hefði verið að ræða. Það var því niðurstaða dómsins að stefnandi ætti rétt á vátryggingabótum úr hendi varastefnda og var varastefndi dæmdur til að greiða stefnanda umkrafða fjárhæð með nánar tilgreindum vöxtum og dráttarvöxtum.

Ákærða sakfelld fyrir ólöglega meðferð á fundnu fé og dæmd í 30 daga skilorðsbundið fangelsi.

Ákærða var gerð fangelsisrefsing fyrir innflutning á kókaíni

Stefndi, sem var einn eigandi Noodle Station ehf., var gert að greiða þrotabúinu, stefnanda, andvirði fasteigna sem hann hafði selt öðru fyrirtæki sínu að frádregnum áhvílandi skuldum, úttektir hárra fjármuna af bankareikningum fyrirtækisins og millifærslur fjár inn á önnur fyrirtæki í eigu stefnda. Þá var stefnda gert að greiða þrotabúinu málskostnað.

Ákærða var gerð skilorðsbundin fangelsisrefsing fyrir misnotkun skjals

Stefndi sýknaður af kröfu stefnanda um greiðslu vegna kostnaðar og vinnu við ísetningu vélar og gírs í bát.

Ákærða var gerð 30 daga fangelsisrefsing fyrir skjalafals