Nýir dómar

Ákærðu sakfelld fyrir þjófnaði og vörslur fíkniefna og lyfja.

Ákærða gefin að sök brot gegn lögum um ávana- og fíkniefni, m.a. í söluskyni, peningaþvætti og umferðarlagabrot. Sýknaður að mestu leyti en sakfelldur fyrir vörslur fíkniefna og umferðarlagabrot.

Ákærða sakfelld fyrir þjófnað og brot gegn lögum um ávana- og fíkniefna.

Ákærði sakfelldur fyrir líkamsárás gagnvart fyrrverandi unnustu sinni, sbr. 1. mgr. 217. gr. almennra hegningarlaga, með því að setjast ofan á hana og grípa um háls hennar og taka fyrir munn hennar til að hindra hana í að kalla á hjálp. Ósannað þótti að ákærði hefði verið með hníf og hótað að skera brotaþola á háls. Refsing var ákveðin fangelsi í 4 mánuði, skilorðsbundið til tveggja ára og ákærði dæmdur til greiðslu sakarkostnaðar.

Stefnandi krafðist ógildingar ákvæðis í uppgjöri vegna sölu hans á búseturétti í húsnæðissamvinnufélagi (stefnda) og endurgreiðslu svokallaðs "frestaðs viðhalds" sem dregið var frá uppgjöri af söluverði búseturéttar hans. Þrátt fyrir að hvergi í lögum, búsetusamningi né samþykktum stefnda sé kveðið á um "frestað viðhald" taldi dómurinn að með heildstæðri skýringu á framangreindum heimildum og ákvörðunum aðalfunda félagsins ætti gjaldið sér fullnægjandi stoð. Þá hafi stefnanda mátt vera kunnugt um gjaldið og því yrði ekki fallist á að óskýrleiki í framsetningu þess gæti haft þau áhrif að hann yrði ekki bundinn af því. Ennfremur var stefnandi ekki talinn hafa sýnt fram á að gjaldið væri bersýnilega ósanngjarnt í skilningi lag nr. 7/1936 um samningsgerð, umboð og ógilda löggerninga. Loks var því hafnað að gjaldið fæli í sér brot á jafnræði félagsmanna. Með vísan til þess að veruleg vafaatriði voru í málinu var málskostnaður látinn niður falla.

Ákærðu sakfelldir fyrir þjófnað.

Ákærði sakfelldur fyrir líkamsárás.

Ákærða sakfelld fyrir brot gegn lögum um ávana- og fíkniefni.

Afsal að fasteign ógilt á grundvelli misneytingar, sbr. 31. gr. laga um samningsgerð, umboð og ógilda löggerninga nr. 7/1936.

Ákærði sakfelldur fyrir líkamsárás gagnvart fyrrverandi kærustu sinni, sbr. 1. mgr. 217. gr. almennra hegningarlaga. Refsing var ákveðin 30 daga fangelsi, skilorðsbundið til tveggja ára, greiðslu miskabóta og málskostnaðar, auk sakarkostnaðar.

Ákærða sakfelld fyrir líkamsmeiðingar af gáleysi samkvæmt 219. gr. almennra hegningarlaga og nánar greind brot á umferðarlögum er hún virti ekki biðskyldu. Refsing ákveðin 30 daga fangelsi, skilorðsbundið til tveggja ára.

Ákærði sakfelldur fyrir nytjastuld og akstur undir áhrifum áfengis og fíknefna, sviptur ökurétti.

Ákærði var sakfelldur fyrir líkamsárás á þáverandi sambýliskonu sína og barnsmóður, sbr. 1. mgr. 217. gr. almennra hegningarlaga en sýknaður af ákæru fyrir aðra líkamsárás á hana, sem og af broti gegn barnaverndarlögum. Refsing hans var ákveðin þriggja mánaða fangelsi, en fullnustu refsingarinnar var frestað skilorðsbundið til tveggja ára. Þá var hann dæmdur til greiðslu miskabóta og málskostnaðar, auk þriðjungs sakarkostnaðar.

Stefnandi, sem var dönsk lánastofnun, krafði stefnda um greiðslu eftirstöðva lána sem hann hafði tekið er hann var búsettur í Danmörku. Ekki var fallist á mótbárur stefnda gegn greiðsluskyldu og var því fallist á kröfur stefnanda og stefnda jafnframt gert að greiða málskostnað.

Ákærði sakfelldur fyrir húsbrot.

Deilt um eignarétt að fellihýsi eftir sambandsslit. Stefnandi keypti fellihýsi er samband aðila var nýhafið, en í samráði við stefndu var það skráð á nafn æskuvinkonu hennar á meðan skilnaður stefnanda við eiginkonu sína væri ófrágenginn. Sambandi aðila lauk 10 mánuðum síðar. Í framhaldi sambandsslitanna fékk stefnda vinkonu sína til að skrá fellihýsið á sitt nafn, án samráðst við stefnanda, og kvaðst líta svo á að hún ætti réttmætt tilkall til þess. Dómurinn féllst ekki á sjónarmið stefndu og viðurkenndi eignarétt stefnanda að fellihýsinu.

Ákærði sakfelldur fyrir líkamsárás og dæmdur til 4 mánaða skilorðsbundins fangelsis.

Ákærði sakfelldur fyrir líkamsmeiðingar af gáleysi og umferðarlagabrot og gert að sæta 30 daga fangelsi, bundið skilorði til tveggja ára.

Ákærði sakfelldur fyrir umferðarlagabrot.

Ákærði sakfelldur fyrir þjófnað og gert að sæta 30 daga fangelsi þar sem um ítrekun var að ræða.

Stefndu gert að greiða félagi sumarhúsaeigenda sem hún var félagsmaður í kröfu vegna kostnaðar við vegalagningu í sumarhúsabyggðinni, en stefnda hafði talið ákvörðun fundarins ólögmæta gagnvart sér vegna annmarka á fundarboðun, auk þess sem lagning vegarins væri ekki í þágu lóðarhafa í sumarhúsabyggðinni og ætti því með réttu ekki að vera á þeirra kostnað. Var mótbárum stefndu hafnað og staðfest lögveð fyrir kröfunni.

Ákærði sem hafði verið gjaldkeri húsfélags, var sakfelldur fyrir fjárdrátt af reikningi félagsins og dæmdur skilorðsbundið til 30 daga fangelsis.