Nýir dómar

Líkamsárás. Kjálkabrot. Ekki fallist á að háttsemi ákærða hefði verið refsilaus á grundvelli neyðarvarnar, en atvik talin horfa til málsbóta. Frestun á ákvörðun refsingar.

Ákært fyrir sérstaklega hættulega líkamsárás, stungur með litlum skærum. Brot ákærðu ekki talin sönnuð nema að litlu leyti og háttsemin heimfærð undir 1. mgr. 217. gr. í stað 2. mgr. 218. gr. almennra hegningarlaga. Þriggja mánaða skilorðsbundið fangelsi.

Fasteignasali krafðist þóknunar og greiðslu á útlögðum kostnaði vegna nokkuð umfangsmikillar sölumeðferðar á nokkrum eignum í almennri sölumeðferð. Eignirnar seldust ekki fyrir milligöngu fasteignasalans en hann taldi sig þó eiga kröfu á eiganda eignanna á grundvelli samninga við hann. Sýknað að mestu, en stefndi dæmdur til að greiða gjald vegna gagnaöflunar sem sannanlega hafði verið samið skriflega um greiðslu á óháð því hvort eignirnar seldust

Eigandi frístundalóðar sem krafinn var um árgjald í vatnsveitufélagi sumarhúsaeigenda á svæðinu, hafnaði greiðslu á grundvelli þess að hann hafi ekki gengið í félagið hvorki við stofnun eða síðar með með því að hafa fyrir misgáning greitt með skömmu millibili greiðsluseðla frá félaginu. Sýkna.

Krafist var viðurkenningar á því að stefnandi ætti 1,5 hektara lóðarspildu í óskiptu landi stefndu á grundvelli löggernings frá 1944. Dómurinn taldi ósamræmi á milli upphaflegrar kröfugerðar og málatilbúnaðar stefnanda að öðru leyti. Úr því varð ekki bætt með síðbúinni breytingu á kröfugerð. Frávísun að kröfu stefndu.

Málið vísað frá dómi án kröfu. Dómari taldi málið vanreifað þannig að útilokað væri að fella á sakarefnið réttan efnisdóm.

Ákært fyrir tilraun til hlutdeildar í kynferðisbroti gegn barni. Sýkna.

Krafa um ógildingu úrskurðar um að nafnleynd tilkynnanda til barnaverndarnefndar skyldi ekki aflétt. Sýkna.

Hluti ummæla sem birt voru á Facebooksíðu, dæmd dauð og ómerk.

Maður sakfelldur fyrir umferðarlagabrot

Ákært fyrir líkamsárás gegn barni og brot á barnaverndarlögum. Sýkna.

Deilt um greiðsluskyldu tryggingafélags úr fasteignatryggingu vegna þess að skólplögn í annarri samliggjandi fasteign gaf sig og olli tjóni á íbúð vátryggingartaka. Sýkna, en hluti málskostnaður þrátt fyrir það felldur á tryggingarfélagið þar sem sú málstæða sem leiddi til sýknu hafði ekki verið höfð uppi áður en málið var borið undir dóm.

Ákært fyrir líkamsárás og brot gegn barnaverndarlögum. Sýkna.

Umsækjandi um byggingarleyfi til niðurrifs á húsi taldi sig eiga bótarétt gagnvart sveitarfélagi á grundvelli óeðlilegs dráttar á meðferð málsins og þar sem skort hafi á leiðbeiningar honum til handa. Sýkna.

Maður sakfelldur fyrir ölvunarakstur.

Krafist eftirstöðva verklauna vegna verksamnings og ógreidd kostnaðar við að reisa bjálkahús en til vara skaðabóta. Málinu vísað frá dómi án kröfu, einkum sökum vanreifunar.

Maður sakfelldur fyrir brot á kynferðislegri friðhelgi.

Fallist á að starfsmanni sem var sagt upp störfum vegna skipulagsbreytinga ætti rétt á launum vegna yfirvinnu síðustu fjögur ár, þar sem heildarlaun hans á tímabilinu næðu ella ekki lágmarkskjörum samkvæmt kjarasamningi. Kröfum hans vegna meints ógreidds orlofs og um skaðabætur vegna meintrar ólögmætrar uppsagnar var hins vegar hafnað.

Ákærði sakfelldur fyrir nauðgun

Deilt um hvort nágranni ætti umferðarrétt um veg á grundvelli hefðar eða skipulagskvaðar. Sýkna og frávísun.

Slökkviliðsstjóri gerði kröfu um greiðslu fyrir bakvaktir vegna starfa fyrir slökkvilið frá 2018-2022 á grundvelli reglugerðar nr. 747/2018 um starfsemi slökkviliða. Sýkna.

Ákært fyrir kynferðisbrot gegn 14 ára barni, vegna ósiðlegra og ruddalegra ummæla og stroku yfir brjóstasvæði utanklæða. Frávísun og sýkna.