Ákærði var sakfelldur fyrir kynferðislega áreitni og dæmdur til greiðslu miskabóta. Með vísan til þess að ákærði er aldraður maður með hreiðnan sakarferil og einnig að meðferð málsins hjá lögreglu, ákæruvaldi og fyrir dómi var ákvörðun refsingar frestað skilorðsbundið til tveggja ára.

Ákærði var sakfelldur fyrir líkamsárás gagnvart sambýliskonu sinni og dæmdur til greiðslu miskabóta. Með broti sínu rauf hann skilorð 5 mánaða fangelsisdóms vegna líkamsárásar og var refsing dómsins tekin upp og ákærða ákveðin refsing í einu lagi 7 mánaða fangelsi. Þar af voru 5 mánuðir skilorðsbundnir.

Fallist var á með stefnanda að stefndi hefði vangreitt vinnulaun á nánar tilgreindum starfstíma. Var krafa stefnanda þó lækkuð úr 1.755. 1.755.963 krónum í 1.067.566 krónur. Fyrir lá að stefndi hafði ekki gert ráð fyrir kjarasamningsbundnum reglum um styttingu vinnutíma og einnig að stefnandi hafði ekki notið hagvaxtarauka sem leiða átti til launahækkunar 1. apríl 2022. Ekki var fallist á með stefnanda að miða bæri laun hennar við að kaffitímar hefðu ekki verið teknir á vinnustaðnum, en fallist á með stefnda að svo hefði verið.

Stefndi, sem stundar fiskeldi í sjó var sýknaður af fjárkröfu sveitarfélags vegna aflagjald, þar sem álagning gjaldsins taldist ekki hafa fullnægjandi lagastoð.