Nýir dómar

Ákærða voru með tveimur ákærum gefin að sök brot í nánu sambandi gegn fyrrum sambýliskonu sinni, þar af í annað skiptið ásamt eignaspjöllum. Var hann í fyrra tilvikinu sakfelldur fyrir brot í nánu sambandi, en í hinu síðara sýknaður af sakargiftum um þess háttar brot, en sakfelldur fyrir eignaspjöll. Var hann dæmdur í átta mánaða fangelsi, skilorðsbundið til tveggja ára, til að greiða brotaþola miskabætur ásamt vöxtum, og tiltekið hlutfall sakarkostnaðar málsins.

Ákærði var dæmdur í tveggja mánaða skilorðsbundið fangelsi fyrir líkamsárás.

Ákærði var sakfelldur fyrir líkamsmeiðingar af gáleysi og umferðarlagabrot og gert að sæta fangelsi í 30 daga, skilorðsbundið til tveggja ára. Þá var hann sviptur ökurétti í þrjá mánuði og dæmdur til að greiða brotaþola miskabætur auk vaxta.

Ákærðu voru dæmdir til skilorðsbundinna fangelsisrefsinga fyrir þjófnaði sem þeir viðhöfðu í félagi, auk þess sem þeir voru dæmdir til að greiða skaðabætur og vexti vegna háttseminnar.

Ákærða, sem skýlaust játaði sök, var dæmd í 30 daga fangelsi og svipt ökurétti ævilangt fyrir að aka bifreið undir áhrifum áfengis.

Ákærði var fundinn sekur um nauðgun og gert að sæta fangelsi í tvö ár. Þá var hann dæmdur til að greiða brotaþola 1.600.000 krónur í miskabætur auk vaxta.

Ákærði, sem játaði brot sitt, var dæmdur í tveggja mánaða skilorðsbundið fangelsi fyrir líkamsárás, auk þess sem hann var dæmdur til að greiða brotaþola bætur vegna háttsemi sinnar.

Ákærði var sakfelldur fyrir brot gegn umferðarlögum, lögum um ávana- og fíkniefni og almennum hegningarlögum. Þótti refsing hans hæfilega ákveðin fangelsi í fjóra mánuði og skyldi tveggja mánaða hluti þeirrar refsingar falla niður að tveimur árum liðnum héldi ákærði almennt skilorð. Enn fremur var ákærði sviptur ökurétti ævilangt og gert að sæta upptöku á ávana- og fíkniefnum.

Ákærði, var sakfelldur fyrir þjófnaði í félagi við annan mann. Þótti refsing hans hæfilega ákveðin fangelsi í 30 daga sem falla skyldi niður að liðnum tveimur árum frá uppkvaðningu dóms héldi hann almennt skilorð.

Fallist var á kröfu um viðurkenningu á skaðabótaábyrgð stefnda og greiðsluskyldu í samræmi við ákvæði skaðabótalaga vegna líkamstjóns sem stefnandi varð fyrir í sjóvinnuslysi sem ekki fékkst bætt úr lög­boðinni tryggingu.

Ákærði, sem var sakfelldur fyrir að aka sviptur ökurétti, rauf með því broti skilorð skilorðsbundins hluta refsingar eldri dóms. Var sá hluti þess dóms tekinn upp og dæmdur með refsingu þessa máls sem þótti hæfilega ákveðin fangelsi í fjóra mánuði, en fresta skyldi fullnustu tveggja mánaða skilorðsbundið í tvö ár.

Ákærði var fundinn sekur um hegningarlagabrot gegn fyrrverandi sambýliskonu sinni og barnsmóður, auk líkamsárásar gegn öðrum einstaklingi og brot á vopnalögum. Var hann dæmdur í sex ára fangelsi og til greiðslu sakarkostnaðar málsins. Auk þess var hann var dæmdur til að greiða fyrrverandi sambýliskonu sinni og barnsmóður miskabætur og bætur vegna fjártjóns, auk vaxta, og gert að sæta upptöku á vopnum og skotfærum.

Ágreiningur við skipti á dánarbúi.

Fallist var á kröfu stefnanda um greiðslu tiltekinnar fjárhæðar úr hendi stefnda vegna stöðuleyfis sem stefnandi veitti stefnda fyrir gáma.

Fallist var á kröfu stefnanda um greiðslu tiltekinnar fjárhæðar úr hendi stefnda á grunni samnings aðila um uppsetningu stefnanda á malarpúða undir vinnubúðir.

Fallist var á kröfu stefnanda um að viðurkennt yrði að á hafi komist kaupsamningur milli aðila um fasteign.