- Ávana- og fíkniefni
- Fjársvik
- Játningarmál
- Umferðarlagabrot
D Ó M U R
Héraðsdóms Reykjavíkur 12. apríl 2019 í máli nr.
S-161/2019:
Ákæruvaldið
(Sonja H.Berndsen saksóknarfulltrúi)
gegn
Davíð Ingi Þorsteinssyni
Mál þetta,
sem dómtekið var 10. apríl 2019, var
höfðað með ákæru lögreglustjórans á höfuðborgarsvæðinu, dags. 26. febrúar 2019
á hendur:
„Davíð
Inga Þorsteinssyni, kt. [...],
[...] Reykjavík
fyrir eftirtalin hegningarlagabrot:
I.
1.
Fjársvik, með því að hafa [...] 2017, svikið út veitingar á veitingastaðnum [...] við [...] í
Reykjavík, að verðmæti kr. 7.230, með því að vekja þá hugmynd hjá starfsmönnum
staðarins að hann hygðist greiða fyrir veitingarnar sem hann gerði ekki.
Mál nr. 007-2017-50869
Telst brot
þetta varða við 248. gr. almennra hegningarlaga nr. 19/1940.
2.
Þjófnað, með því að hafa [...] 2017
á [...] að [...] í Reykjavík, tekið farsíma af gerðinni
[...] af afgreiðsluborði í móttöku hótelsins, í eigu A kt. [...],
af óþekktu verðmæti.
Mál
nr. 007-2017-72731
Telst brot þetta varða við 244. gr. almennra hegningarlaga
nr. 19/1940.
[…]
4.
Þjófnað, með því að hafa [...] 2018, í félagi með nafngreindum
manni, í verslun [...] í Reykjavík, stolið matvörum samtals að verðmæti kr. 72.181.
Mál nr. 007-2018-47463
Telst brot þetta varða við 244. gr. almennra hegningarlaga
nr. 19/1940.
5.
Þjófnað, með því að hafa [...] 2018, farið inn í eldhús á [...]
við [...] í Reykjavík og tekið
þaðan fimm vínflöskur og þrjár bjórflöskur af óþekktu verðmæti.
Mál nr. 007-2018-48063
Telst brot þetta varða við 244. gr. almennra hegningarlaga
nr. 19/1940.
Fyrir eftirtalin umferðarlagabrot:
II.
1. Með
því að hafa [...] 2017 ekið bifreiðinni [...] án gildra ökuréttinda og óhæfur til að stjórna henni
örugglega vegna áhrifa ávana- og fíkniefna (í blóði mældist amfetamín 360
ng/ml, tetrahýdrókannabínól 1,9 ng/ml, í þvagi mældist amfetamín,
tetrahýdrókannabínólsýra og metýlfenídat) norður [...] í Reykjavík, uns Lögreglan
stöðvaði aksturinn á [...] við [...].
Mál
nr. 007-2017-79239
2. Með því að hafa [...] 2018 ekið bifreiðinni [...]
án gildra ökuréttinda og óhæfur til að stjórna
henni örugglega vegna áhrifa ávana- og fíkniefna og áhrifa slævandi lyfja (í
blóði mældist amfetamín 755 ng/ml, kókaín 20 ng/ml, MDMA 135 ng/ml,
tetrahýdrókannabínól 1,9 ng/ml og tramadól 315 ng/ml, í þvagi mældist
amfetamín, kókaín, MDMA, metamfetamín, metýlfenídat, tetrahýdrókannabínólsýra
og tramadól) um [...] og [...] í Reykjavík, uns lögreglan stöðvaði aksturinn á
bifreiðarstæði við verslunina [...].
Mál
nr. 007-2018-25010
3. Með því að hafa [...] 2018 ekið bifreiðinni [...]
án gildra ökuréttinda og óhæfur til að stjórna
henni örugglega vegna áhrifa ávana- og fíkniefna (í blóði mældist amfetamín 30
ng/ml, metamfetamín 35 ng/ml, metýlfenídat 20 ng/ml og tetrahýdrókannabínól 0,7
ng/ml, í þvagi mældist amfetamín, metamfetamín, metýlfenídat og
tetrahýdrókannabínólsýra) um [...] til
norðurs og inn [...] í Reykjavík, uns
lögreglan stöðvaði aksturinn við [...].
Mál
nr. 007-2018-27175
4. Með því að hafa [...] 2018 ekið bifreiðinni [...]
án gildra ökuréttinda, undir áhrifum áfengis og óhæfur til að
stjórna henni örugglega vegna áhrifa ávana- og fíkniefna (í blóði mældist
metamfetamín 185 ng/ml, metýlfenídat 20 ng/ml, tetrahýdrókannabínól 1,2 ng/ml
og vínandi 2,64‰, í þvagi
mældist amfetamín, metamfetamín, metýlfenídat, tetrahýdrókannabínól-sýra og
vínandi 2,22‰) vestur [...] í
Reykjavík, uns lögreglan stöðvaði aksturinn.
Mál nr.
007-2018-33710
Teljast brotin samkvæmt
fyrrnefndum ákæruliðum í kafla II varða við 1., sbr. 2. mgr., 45. gr. a. og 1.
mgr. 48. gr, allt sbr. 1. mgr. 100. gr., umferðarlaga nr. 50/1987, en brot
samkvæmt lið 2 einnig við 1.,
sbr. 2. mgr. 44. gr. sömu laga og brot samkvæmt lið 4 einnig við 1., sbr. 3.
mgr. 45. gr. sömu laga.
Þess er krafist að ákærði verði dæmdur til refsingar,
til greiðslu alls sakarkostnaðar og til að sæta sviptingu ökuréttar skv. 101.
og 102. gr. laga nr. 50/1987, sbr. 25. og 26. gr. laga nr. 44/1993, sbr. 18.
gr. laga nr. 66/2006.“
Ákærði
krefst vægustu refsingar er lög leyfa og tjáði sig stuttlega fyrir dómi.
Farið
var með mál þetta samkvæmt 164. gr. laga um meðferð sakamála og var það tekið
til dóms án frekari sönnunarfærslu er sækjanda hafði verið gefinn kostur á að
tjá sig um lagaatriði og ákvörðun viðurlaga.
Ákærði
hefur skýlaust játað brot sín að teknu tilliti til fráfalls ákæruvaldsins á 3.
lið I. kafla ákæru. Sannað er með játningu ákærða og öðrum gögnum málsins að
ákærði er sekur um þá háttsemi sem honum er gefin að sök og eru brot hans rétt
heimfærð til refsiákvæða í ákæru.
Ákærði
er nú sakfelldur fyrir fjögur auðgunarbrot og fjögur umferðarbrot en í öllum
tilvikum var um að ræða akstur undir áhrifum fíkniefna og án þess að hafa gild
ökuskírteini. Ákærði var síðast dæmdur fyrir umferðarlagabrot á árinu 2009 og ber
því að líta á brot hans nú sem fyrstu brot og varða þau sektum.
Ákærði á að baki sakarferil sem nær aftur til
ársins [...]. Síðan þá hefur hann fimmtán sinnum verið dæmdur til refsingar, nú
síðast á árinu 2017. Í flestum tilvikum var ákærði sakfelldur fyrir
auðgunarbrot en einnig fyrir rán, brot gegn lögum um ávana- og fíkniefni og
umferðarlagabrot.
Til þyngingar horfir að ákærði
hefur ítrekað gerst sekur um auðgunarbrot eins og sakarferill hans ber vitni
um. Að gættum almennum ítrekunarskilyrðum 71. gr. almennra hegningarlaga er
litið til 255. gr. almennra hegningarlaga nr. 19/1940. Jafnframt vísast til 72.
gr. almennra hegningarlaga.
Með vísan til framangreinds
og 77. gr. almennra hegningarlaga þykir refsing ákærða þannig hæfilega ákvörðuð 8 mánaða fangelsi.
Með vísan til lagaákvæða í ákæru er ákærði
sviptur ökuréttindum í 3 ár og 2 mánuði frá uppkvaðningu dómsins að telja. Ákærði
skal greiða sakarkostnað málsins sem er 555.659 kr. samkvæmt framlögðu yfirliti
en sækjandi lækkaði fjárhæðina í þinghaldinu.
Sigríður Hjaltested héraðsdómari kveður upp dóm
þennan.
Sigríður
Hjaltested (sign.)
D ó m s o r ð :
Ákærði,
Davíð Ingi Þorsteinsson, sæti fangelsi í 8 mánuði.
Ákærði
er sviptur ökurétti í 3 ár og 2 mánuði frá uppkvaðningu dómsins að telja.
Ákærði greiði 555.659 krónur
í sakarkostnað.
Sigríður
Hjaltested (sign.)